काठमाडौँ। जिल्ला प्रशासन कार्यालय सुनसरीले जिल्लाका विभिन्न क्षेत्रमा लागू गरेको कर्फ्यु आदेश हटाउँदै निषेधाज्ञा जारी गरेको छ।

प्रमुख जिल्ला अधिकारी ईश्वरी प्रसाद अर्यालद्वारा जारी सूचनाअनुसार आज बिहान ८:३० बजेदेखि साँझ ५:०० बजेसम्मका लागि कर्फ्यु हटाइएको हो।

प्रशासनले जारी गरेको निषेधाज्ञाअन्तर्गत तोकिएका क्षेत्रमा पाँच जनाभन्दा बढी व्यक्ति एकै ठाउँमा भेला हुन, जुलुस, प्रदर्शन, सभा, बैठक तथा धर्ना गर्न रोक लगाइएको छ।

शान्ति–सुरक्षा र सार्वजनिक सुव्यवस्था कायम राख्ने उद्देश्यले कर्फ्यु हटाएर निषेधाज्ञा लागू गरिएको जिल्ला प्रशासन कार्यालयले जनाएको छ।

यसअघि जिल्ला प्रशासन कार्यालयले गत साउन १२ गते राति ९:०० बजेदेखि अर्को आदेश नभएसम्मका लागि कर्फ्यु जारी गरेको थियो।