काठमाडौं । एसियन कप छनोटको क्याम्पमा रहेका १० खेलाडीले विद्रोह गरेको नेपाली राष्ट्रिय फुटबल टोलीका मुख्य प्रशिक्षक अब्दुल्लाह अल्मुताइरीले १४ जना नयाँ खेलाडीलाई टिममा बोलाएका छन् ।

विशाल सुनार, अभिषेक बराल, सेसेहाङ आङदेम्बे, जर्जप्रिन्स कार्की, शिव गुरुङ, आकाश बुढा मगर, सुशील राई, राजन गुरुङ, सन्जोग राईलगायतका खेलाडीलाई बन्द प्रशिक्षमा बोलाइएको हो ।

अखिल नेपाल फुटबल संघ (एन्फा) स्रोतका अनुसार १४ जना नयाँ खेलाडीले प्रशिक्षण थालिसकेका छन् ।

प्रशिक्षक अल्मुताइरीको व्यवहारप्रति असन्तुष्टि जनाउँदै बुधबार रोहित चन्द, सुजल श्रेष्ठ, अनन्त तामाङ, विशाल राई, विमल घर्ती मगर, दिनेश राजवंशी, विशाल श्रेष्ठ, अन्जन विष्ट, तेज तामाङ र सुमन लामाले क्याम्प छोडेका थिए ।

उनीहरूलाई माल्दिभ्समा रहेका कप्तान किरण चेम्जोङले पनि साथ दिएका छन् ।

खेलाडीको एउटै स्वर : गास-बासको सामान्य विषय उठाउँदा प्रशिक्षकले टिमबाटै निकाले