काठमाडौं । सत्तारुढ नेपाली कांग्रेसको केन्द्रीय कार्यसम्पादन समितिको बैठक आज पनि बस्ने भएकाे छ ।
बिहीबारबाट सुरु भएको बैठक आज दिउँसो २ बजे पुनः बस्न लागेको हो ।

बैठकमा अमेरिकी परियोजना मिलेनियम च्यालेन्ज कर्पेरेसन (एमसिसी) स्थानीय तहको निर्वाचन, भ्रातृ संस्थाहरूको अधिवेशनलगायत विषयमा छलफल हुने कांग्रेस स्रोतले जनाएको छ ।

बैठक केन्द्रीय कार्यालय सानेपामा बस्ने पार्टी प्रवक्ता डा. प्रकाशशरण महतले जानकारी दिए ।

एमसिसीबारे सत्ता साझेदार दलहरूबीच खटपट भइरहेको बेला कांग्रेसभित्र भने एकमत देखिएको छ । एमसिसी अगाडि बढाउनुपर्ने निष्कर्ष कांग्रेस बेठकले निकालेको जनाइएको छ । एमसिसीबारे बैठकमा आज पनि सदस्यहरूले धारणा राख्ने कार्यक्रम छ ।