काठमाडौं । अविरल वर्षापछि गएको पहिरोले बस्ती पुरिँदा धादिङको त्रिपुरासुन्दरी गाउँपालिकामा एक जनाको ज्यान गएको छ ।

त्रिपुरासुन्दरी– ५ स्थित घिमिरेगाउँमा पहिरोले नेत्रबहादुर खाडको घर पुरिँदा उनको ज्यान गएको गाउँपालिकाका उपाध्यक्ष देवराज धरेलले जानकारी दिए । उनका अनुसार घरमूली मृत अवस्थामा फेला परेपनि परिवारका अन्य सदस्य सकुशल रहेका छन्।

‘स्थानीय प्रशासनले मृतको लासलाई पोष्टमार्टनका लागि सल्यानटार अस्पताल पठाइएको छ । पहिरोले ५ वटा घर बस्न नमिल्ने गरी क्षति भएको छ । पीडित परिवारका लागि गाउँपालिकाले नजिकै सुरक्षित स्थानमा अस्थायी व्यवस्था मिलाएको छ । क्षति मुल्याङन गरी मृतकका परिवार र क्षति भएका घरको विषयमा क्षनिपूर्तिको व्यवस्था गर्छौं’, उपाध्य धरेलले जानकारी दिए ।

उनका अनुसार राति १२ बजेतिर घर पहिरोले पुरिएको गाउँलेले थाहापाएपछि गाउँपालिका र स्थानीय प्रशासनमा सहयोगका लागि खबर गरेका थिए । मृतकका बुहारीलाई सुत्केरीको लागि पोखरा अस्पतालमा भर्ना गरिएको छ । एउटा छोरा दुई महिना अघि रोजगारीका लागि कोरिया गएका छन् । घरमा श्रीमान र श्रीमती मात्र रहेका थिए ।

मृतकका श्रीमती खाना बनाउने ठाउँमा रहेकोले केही नभएको उपाध्यक्ष धरेलले बताए ।