काठमाडौं । एमसिसीमा सहमति नजुटेपछि पटकपटक स्थगित प्रतिनिधिसभाको बैठक आज बस्दै छ ।

संसद् सचिवालयका अनुसार दिउँसो १ बजेका लागि बैठक तय भएको छ । बैठकको कार्यसूची निर्धारणका लागि सभामुख अग्नि सापकोटाले अहिले बिहान ११ बजे कार्यव्यवस्था परामर्श समितिको बैठक डाकेका छन् ।

आजको बैठकमा अमेरिकी सहयोग परियोजना एमसिसी पेश गर्ने मुडमा प्रमुख सत्तारुढ दल नेपाली कांग्रेस छ । तर माओवादी केन्द्र र एकीकृत समाजवादी यथास्थितिमा एमसिसी पास गर्न नहुने अडानमा छन् । माओवादी केन्द्रले त एमसिसी संसद्मा जबरजस्ती पेश गरिए सरकारबाटै बाहिरिने चेतावनी दिइसकेको छ ।

सत्ता साझेदार दलबीच एमसिसीमा सहमति निर्माणको प्रयास जारी छ । तथापि, अहिलेसम्म मिलन बिन्दु भेटिइसकेको छैन । अहिले केहीबेरमा यी दलहरू पुनः छलफलमा जुट्दै छन् ।