काठमाडौं । सर्वोच्च अदालतले समायोजनसम्बन्धी रिटमा फैसला सुनाएसँगै लोकसेवा आयोग नयाँ विज्ञापन खुलाउने तयारीमा जुटेको छ ।

आयोगले अबको कम्तीमा १५ दिनमा विज्ञापन खुलाउने काम सुरु हुने जानकारी दिएको छ ।

मंगलबार अदालतको फैसलासँगै यसअघिका अन्तरिम आदेशअनुसार स्थगित रहेका विभिन्न सेवा, समूह, श्रेणी र पदका लिखित परीक्षा रोकिएका थिए । योसँगै परीक्षाको नतिजा प्रकाशन र पदपूर्तिका काम पनि ठप्प थियो । सर्वोच्चको आदेशसँगै अब यी कामहरू पुनः अघि बढाउने बाटो खुलेको हो ।

समायोजन भएर प्रदेश र स्थानीय तह पुगेका कर्मचारीहरूले पनि संघमै आउन पाउनुप¥यो भन्दै रिट दायर गरेका थिए । विभिन्न प्रकृतिका ९८ रिटमध्ये सर्वोच्चले केहीमा फैसला गरेको छ भने केहीलाई खारेज गरेको छ ।