एजेन्सी । मापदण्ड मिचेर अवैध रूपमा बनाइएको भारतको नयाँ दिल्ली नजिकै नोएडास्थित ट्विन टावर भत्काइएको छ । आज करिब ३७०० किलोग्राम बारूदको प्रयोगमा उक्त ट्विन टावरलाई ध्वस्त पारिएको हो । उक्त भवन ९ सेकेण्डमै ध्वस्त भएकाे भारतीय सञ्चारमाध्यमले जनाएका छन् ।

मापदण्ड मिचेर बनाइएका कारण गत वर्ष भारतको सर्वोच्च अदालतले उक्त भवन भत्काउन आदेश दिएको थियो ।

एपेक्स र केएन नामक टावरलाई सुपटेक बिल्डरले बनाएका थिए । ३२० फिट भन्दा बढी उचार्इंको यो भवनलाइ ट्विन टावर नाम दिइएको थियो ।

भारतमा यसरी हालसम्म भत्काइएकोमध्ये यो सबैभन्दा ठूलो बहुमंजिला भवन हो ।

यसका लागि भवन आसपास रहेका अपार्टमेन्टमा बसोबास गरिरहेका मानिसहरूलाई बाहिर निकालिएको थियो भने नजिकैको राजमर्ग पनि बन्द गरिएको थियो ।