काठमाडौं । कम्प्युटर बिलिङ स्वीकृत गर्ने क्रममा सेवाग्राहीबाट घुस माग्ने कम्पुटर अधिकृत अख्तियार दुरूपयोग अनुसन्धान आयोगको फन्दामा परेकी छिन् ।

महाराजगञ्जस्थित आन्तरिक राजस्व कार्यालयकी कम्पुटर अधिकृत विन्दू श्रेष्ठ प्रधानलाई ३० हजार रूपैयाँ घुस लिइसकेको अवस्थामा नियन्त्रणमा लिइएको आयोगले जनाएको छ ।

उनले सेवाग्राहीसँग घुस माग गरेकोबारे परेको उजुरीमा अनुसन्धान गर्दा घुस लिइसकेको अवस्थामा फेला पारिएको हो ।

प्रधानलाई भ्रष्टाचार निवारण ऐन, २०५९ को दफा ३ को उपदफा(१)को कसुर अनुसार उक्त रकम मागदावी र कैद सजायको माग गर्दै मुद्दा दायर भएको छ ।

उनीविरूद्ध आज विशेष अदालत काठमाडौंमा मुद्दा दायर भएको हो ।