चिलीविरुद्ध उत्रन लागेको अर्जेन्टिनालाई कोरोनाको पिरलो, को–को भए संक्रमित ?
काठमाडौं । अर्जेन्टिनी राष्ट्रिय फुटबल टोली यतिबेला चिलीविरुद्धको खेलको पूर्वसन्ध्यामा छ ।
अर्जेन्टिनाले शुक्रबार बिहान चिलीविरुद्ध उसकै मैदानमा विश्वकप छनोटको खेल खेल्दैछ ।
तर, अर्जेन्टिनालाई भने यतिबेला कोरोनजा भाइरसले पिरोलेको छ ।
मुख्य प्रशिक्षक लियोनल स्कालोनीसहित, सहायक प्रशिक्षक पाब्लो एइमार, खेलाडी एलेक्सिस म्याक अलिस्टरलगायत छन् ।
अर्का खेलाडी इमिलियानो बुइण्डियासमेत कन्ट्रयाक ट्रेसिङमा परेका छन् । उनी पनि चिली भ्रमणमा गएका छैनन् ।
कोरोना देखिएपछि गुइडो रोड्रिग्वेज पनि टोलीबाट बाहिरिइसकेका छन् ।
प्रशिक्षक स्कालोनीले विश्वकप छनोटका लागि केही दिनअघि टिम घोषणा गरेका थिए । २६ सदस्यीय टोलीमा नियमित कप्तान लियोनल मेसीलाई भने समावेश गरिएको छैन ।
कप्तान मेसीलाई पनि क्रिसमसपछि कोरोना संक्रमण भएको थियो ।
यसर्थ, प्रमुख प्रशिक्षक लियोनल स्कालोनीले पनि मेसीलाई आराम दिएका हुन् ।
अर्जेन्टिनाले शुक्रबार चिली र फेब्रअरी १ मा कोलम्बियासँग विश्वकप छनोटका दुई खेल खेल्दैछ ।
कोलम्बियासँगको खेल अर्जेन्टिनामै हुनेछ ।
प्रतिक्रिया