काठमाडौं । नेको इन्स्याेन्स लिमिटेडले २०७८ असारसम्म बाँकी दावीहरूमध्ये चालु आव २०७८÷७९ को ६ महिनामा करिब ७० प्रतिशत दावी भुक्तानी गरेको छ ।

चालू आवको साउनदेखि पुससम्मको अवधिमा मोटर बीमामा ३३ करोड, इन्जिनियरिङ बीमामा ३.२५ करोड, कृषि बीमामा करिब ३ करोड, सम्पत्ति बीमामा १० करोड, सामुद्रीक बीमामा करिब २ करोड, विविध बीमामा ७ करोड गरी करिब ६० करोड दावी भुक्तानी गरेको छ ।

कम्पनीले समयमा दावी भुक्तानी गरेको परिणाम स्वरुप ग्राहकहरुको विश्वास जित्न सफल भइ व्यवसायमा पनि गतवर्षको तुलनामा यस आवको ६ महिनासम्ममा १८ प्रतिशतले वृद्धि गर्न सफल भएको जनाएको छ ।

त्यसैगरी कम्पनीले शेयरधनीहरूलाई १५ प्रतिशत बोनश शेयर प्रदान गर्ने प्रस्ताव गरी आब २०७७÷०७८ को वित्तीय विवरण बीमा समितिमा पेश गरेको छ ।

प्रकाशित मिति: मंगलबार, माघ ११, २०७८, १७:२१:००