काठमाडौं । नेपाली कांग्रेसको केन्द्रीय कार्यसमितिको बैठक शुक्रबार बस्ने भएको छ । पार्टी कार्यालयका मुख्य सचिव कृष्णप्रसाद पौडेलले आज एक सूचना जारी गर्दै यसबारे जानकारी दिएका हुन् ।

उनका अनुसार केन्द्रीय कार्यसमितिको बैठक भर्चुअल माध्यमद्वारा शुक्रबार दिउँसो ३ बजे बस्ने छ । केन्द्रीय कार्यसमितिका पदाधिकारी एवं सदस्यहरूको बैठकमा सहभागिताका लागि अनुरोध गरिएको छ ।

केन्द्रीय कार्यसम्पादन समिति गठन बैठकको प्रमुख मुद्दा (एजेण्डा) रहेको बताइएको छ ।

प्रकाशित मिति: बिहीबार, माघ १३, २०७८, १९:५६:००