काठमाडौं । नेपाली राष्ट्रिय फुटबल टोलीले आज मरिसससँग दोस्रो मैत्रीपूर्ण खेल खेल्दैछ । खेल काठमाडौंस्थित दशरथ रंगशालामा केहीबेरपछि सुरु हुँदैछ ।

यसअघि नेपालले शनिबार अफ्रिकी राष्ट्र मरिसससँग पहिलो खेल खेलको थियो । सो खेल नेपालले १–० ले जितेको थियो ।

विमल घर्ती मगरले दोस्रो हाफमा गोल गरेका थिए ।

यसैबीच, मुख्य प्रशिक्षक अब्दुल्लाह अल्मुताइरीले मरिससविरुद्धको दोस्रो खेलका लागि किरणकुमार लिम्बूको कप्तानीमा सुरुवाती–११ को घोषणा गरेका छन् ।

जसमा डिफेन्डर नवीन गुरुङको पनि नाम छ । उनले सुरुवाती ११ मा आज डेब्यु गरेका हुन् ।

यस्तो छ नेपालको सुरुआती– ११ :

गोलकिपर – किरणकुमार लिम्बू

डिफेन्डर – सुजल श्रेष्ठ, दिनेश राजवंशी, नवीन गुरुङ र देवेन्द्र तामाङ

मिडफिल्डर – एरिक विष्ट, तेज तामाङ र पुजन उपरकोटी

फरवार्ड – अन्जन विष्ट, आशिष लामा र दर्शन गुरुङ ।