काठमाडौं । सुनको मूल्य आज पनि बढेको छ । सुनको मूल्य मंगलबारसमेत बढेको थियो । मंगलबार तोलामा एक सय रुपैयाँ बढेको सुनको मूल्य आज तीन सय रुपैयाँ थप बढेको हो ।

नेपाल सुनचाँदी व्यवसायी महासंघका अनुसार मंगलबार तोलामा ९१ हजार ९०० रुपैयाँमा कारोबार भएको छापावाल सुन आज ९२ हजार दुई सय रुपैयाँमा कारोबार भइरहेको हो ।

यसैगरी आज तेजावी सुन प्रति तोला ९१ हजार सात सय रुपैयाँमा कारोबार भइरहेको छ । मंगलबारको तुलनामा आज चाँदी तोलामा १५ रुपैयाँले वृद्धि भइ प्रतितोला एक हजार २५५ रुपैयाँमा कारोबार भइरहेको छ ।