काठमाडौं । नेकपा एमालेले जिल्ला अधिवेशन स्थानीय तहको निर्वाचन अघि गर्ने निर्णय गरेको छ । बुधबार बसेको एमाले केन्द्रीय सचिवालयको बैठकले जिल्ला अधिवेशन स्थानीय तहको निर्वाचनअघि नै सम्पन्न गर्ने निर्णय गरेको हो ।

यस्तै, आजको बैठकमा स्थानीय तहको निर्वाचन तयारी सम्बन्धमा छलफल भएको थियो । बैठकले पार्टी पंक्तिलाई निर्वाचनको तयारीमा जुट्न निर्देशन पनि दिएको छ ।

नेकपा एमालेका अनुसार प्रदेश अधिवेशनका सम्बन्धमा पनि निर्णय भएको छ । अहिले जिल्ला अधिवेशन र स्थानीय तहको निर्वाचन तयारीमा लाग्नुपर्ने भएकाले प्रदेश अधिवेशन चुनावपछि नै गर्ने निर्णय गरेको हो ।

नेकपा (एमाले), केन्द्रीय सचिवालयको बैठक आज सम्पन्न भएको छ । बैठकले पार्टी पंक्तिलाई स्थानीय तहको निर्वाचनको तयारीमा लाग्न निर्देशन दिएको छ ।
प्रदेश अधिवेशनहरू स्थानीय निर्वाचनपछि गर्ने र जिल्ला अधिवेशनहरू निर्वाचनअघि नै गर्ने निर्णय भएको छ ।

— CPN (UML) नेकपा (एमाले) (@umlcpn) February 2, 2022