काठमाडौं । चर्चित लोकगायक विष्णु खत्री सक्रिय राजनीतिमा लागेका छन् । उनी नेकपा माओवादी केन्द्र बाग्लुङ, गल्कोट नगरकमिटीको उपाध्यक्ष बनेका छन् ।

सर्वसम्मत उपाध्यक्षमा चयन भएका खत्रीलाई अर्का चर्चित लोकगायक बद्री पंगेनीले सामाजिक सञ्जालमा बधाइ दिएका छन् । उनी यसअघि पनि माओवादी केन्द्र नजिक नै थिए ।

तर, सक्रिय रुपमा राजनीतिमा लागेको भने यो पहिलो पल्ट हो । गत स्थानीय तहको निर्वाचनमा जनप्रतिनिधि बन्ने कोशिस गरे पनि उनले पाएनन् ।

तर, नगरपालिका प्रमुखका लागि माओवादी पार्टीबाट उम्मेदवार सिफारिस पनि भएका थिए । अन्तिममा विष्णुलाई सहयोग गर्ने उम्मेदवार भएनन् ।

खत्री माओवादी केन्द्रका अध्यक्ष पुष्पकमल दाहाल (प्रचण्ड) सहभागी हुने कार्यक्रममा विरलै छुटाउँछन् । हरेक कार्यक्रममा गीत गाउन पुगेकै हुन्छन् ।