काठमाडौं । मानिसले अपराधिक क्रियाकलाप या चोरी लुकाउन अनेक उपाय अपनाउँछन् । केही त सुन्दै असजिलो लाग्ने गरे पनि यस्ता उपाय अपनाउन पछि पर्दैनन् ।

यस्तै, एक घटना त्रिभुवन विमानस्थलमा बुधबार भएको छ । यूएईबाट एयर अरेबियाको विमानबाट त्रिभुवन विमानस्थल झरेका सिन्धुपाल्चोकको भोटेकोशीका ३९ वर्षीया दावा छिरिङ शेर्पालाई हिँड्न असजिलो भइरहेको थियो ।

उनको हिँडाई सामान्य यात्रुको भन्दा भिन्न थियो । असहज तरिकाले हिँडिरहेका शेर्पामाथि विमानस्थलबाटै प्रहरीले पिछा गर्न थाल्यो ।

पछि विमानस्थल प्रहरीले सोधपुछका लागि नियन्त्रणमा लिएको विमानस्थलका भन्सार प्रमुख महेश भट्टराईले भने ।

प्रहरीले पेटभित्र सुन लुकाएको आशंका गरेको थियो । त्यसैले एक्सरे पनि गरियो । तर, पेटमा भने सुन देखिएन । केरकारपछि बरु एक किलो सुन शेर्पाको मलद्वारभित्र चाहिँ भेटियो ।
प्रहरीका अनुसार शेर्पाले सुनलाई अर्धठोस बनाएर मलद्वारमा लुकाएका थिए । उक्त सुनको तौल गर्दा एक किलो ५५ ग्राम पाइएको छ ।
उनलाई थप कारबाहीका लागि आन्तरिक राजश्व कार्यालयमा पठाइएको विमानस्थलका भन्सार प्रमुख भट्टले बताए ।