भन्सार छली ल्याएको सुन, मोबाइलसहित ४ विमानस्थलबाट पक्राउ
काठमाडौं । अवैध रूपमा भन्सार छली ल्याएको सुन, मोबाइल तथा ल्यापटपसहित ४ जना पक्राउ परेका छन् । उनीहरूलाई आइतबार बिहान त्रिभुवन अन्तर्राष्ट्रिय विमानस्थलको आगमनको पार्किङबाट प्रहरीले पक्राउ गरेको हो ।
त्रिभुवन विमानस्थल भन्सार कार्यालयका अनुसार, पक्राउ पर्नेहरूमा मोरङ मिक्लाजुङ–८ का ३० वर्षीय पदमबहादुर अधिकारी, सोही गाउँपालिकाका ३० वर्षीय मानसिंह विश्वकर्मा, झापा शिवसताक्षी–९का २२ वर्षीय समिर रसाइली र मकवानपुर हेटौंडा–१९ का ३२ वर्षीय गोकुल डल्लाकोटी छन् ।
भन्सार छलेर सामान ल्याउने तीन जना जजिरा एयरको उडानद्वारा दुबईबाट कुवेत हुँदै काठमाडौं आएका थिए । पदमबहादुर, मान सिंह र समिर प्रत्येकको साथबाट ५८ ग्राम तौल बराबरको एक–एक वटा सुनको सिक्री, तीन–तीन वटा मोबाइल र एक–एक वटा ल्यापटप फेला परेको हो ।
प्रारम्भिक अनुसन्धानका अनुसार उक्त सामानहरू भन्सार छली ल्याउन गोकुलले लगाएको र उनी उक्त सामान लिन विमानस्थल आएको देखिएको छ ।
उनीहरूलाई बरामद सामानहरू सहित आवश्यक अनुसन्धान एवं कारबाहीको लागि त्रिभुवन विमानस्थल भन्सार कार्यालय गौचरमा बुझाइएको विमानस्थल भन्सार कार्यालयले जनाएको छ ।
ताजा अपडेट
-
जंगलभित्रको राजमार्गमा तीव्र गति र ओभरटेक निषेध
-
‘साना योजना सिधै प्रदेश र स्थानीय सरकारलाई हस्तान्तरण गर्ने निर्णय गरेका छौं’
-
महाकालीबाट दोधारा चाँदनीलाई पानी दिने विषय किन कार्यान्वयन भएन ?
-
प्रभावकारी लेखा सुपरीवेक्षण समिति : सहकारी जोगाउने सञ्जीवनी
-
स्वयम्भूको बुद्ध जयन्ती मेला काठमाडौँ महानगरले व्यवस्थित गर्ने
प्रतिक्रिया