काठमाडौं । प्रमुख सत्तारुढ दल नेपाली कांग्रेसको प्रवक्ताको जिम्मेवारी प्रकाशशरण महतले पाएका छन् । कांग्रेस सभापति शेरबहादुर देउवाले प्रवक्ताको जिम्मेवारी केन्द्रीय सदस्यसमेत रहेका महतलाई दिएका हुन् ।

महत १४ औं महाधिवेशनमा सभापति देउवाकै समूहबाट महामन्त्री पदमा उठे पनि पराजित भएका थिए ।

त्यसपछि सभापति देउवाले उनलाई केन्द्रीय सदस्य मनोनित गरेका थिए । कांग्रेसको विधान अनुसार केन्द्रीय सदस्यमध्येबाट एक जनालाई प्रवक्ता नियुक्त गर्ने प्रावधान गरेको छ ।

यसअघि महामन्त्रीसमेत रहेका महतलाई आजै नियुक्त गरिएको हो । यसअघि प्रवक्ता रहेका विश्वप्रकाश शर्मा अहिले महामन्त्री रहेका छन् ।