काठमाडौं । अमेरिकाको टेक्सास राज्यमा एक युवाले आफ्नै परिवारका ४ वर्षीय बालकसहित सौतेनी बुबा, ६१ वर्षीया आमा र अन्य एक गरी ४ जनाको हत्या गरेका छन् ।

हत्यापछि उनी आफैंले पनि आफूमाथि गोली प्रहार गरेर आत्महत्या गरेका छन् । कोर्सिकाना प्रहरीका अनुसार ९११ मा कसैले खबर गरी बन्दुकधारीले उनको परिवारका सदस्यहरूलाई मारेको बताएका थिए ।

अधिकारीहरूले घटनास्थलमा दुई जनाको शव फेला पारेका थिए । उक्त स्थानमा दुई थप बन्दुकको गोली लागेका व्यक्तिहरू भेटिए र उनीहरूलाई अस्पताल लगिएको थियो ।

४१ वर्षीय केभिन मिलाजोले परिवारमा गोली हानी अरूको हत्या गरेको र पछि आफैंलाई गोली हानेर आत्महत्या गरेका थिए ।
घाइतेहरुको नाम र अवस्था तत्काल नखुलाइएको सिएनएनले लेखेको छ ।