के मेसीले विश्वकप छनोटका आगामी खेल खेल्लान् ?
काठमाडौं । गत महिना अर्जेन्टिनी राष्ट्रिय फुटबल टोलीका मुख्य प्रशिक्षक लियोनल स्कालोनीले विश्वकप छनोटका लागि टिम घोषणा गरे । २६ सदस्यीय टोलीमा उनले नियमित कप्तान लियोनल मेसीलाई भने समावेश गरेनन् ।
जनवरी २७ र फेब्रुअरीमा १ मा भएका अर्जेन्टिनाका दुई खेलमा मेसीलाई समावेश नगरिएको हो ।
कप्तान मेसीलाई क्रिसमसपछि कोरोना भाइरस संक्रमण भएको थियो । साथै, अर्जेन्टिना पनि पाँच खेल खेल्नुअघि नै यसै वर्ष कतारमा हुने विश्वकपमा छनोट भइसकेको थियो ।
स्वयम् मेसीले पनि अहिले क्लब पेरिस सेन्ट जर्मेन (पिएसजी)का लागि समय दिन चाहेको बताएका थिए । यसर्थ, प्रमुख प्रशिक्षक लियोनल स्कालोनीले पनि मेसीलाई आराम दिए ।
मेसीबिना नै उत्रिएको अर्जेन्टिनाले दुवै खेल जित्यो । अब फेरि अर्जेन्टिनाले आगामी मार्चमा दुई खेल खेल्दैछ ।
ती खेल भेनेजुएला र इक्वेडरविरुद्ध हुँदैछ । ती खेलमा भने मेसी सहभागी हुने प्रशिक्षक स्कालोनीलाई उदृत गर्दै अर्जेन्टिनी फुटबल वेब साइट मुण्डो अल्बिसेलेस्टेले जनाएको छ ।
ताजा अपडेट
-
कोशीको राजनीतिमा रोचक दृश्य: एकातिर मुद्दा, अर्कातिर सत्ता
-
विश्वकप त्रिकेटः नेपालको समूहमा रहेको श्रीलंकाद्वारा टोली घोषणा
-
ललितपुरमा भएको दुर्घटनामा बालिकाको मृत्यु
-
मन्त्रिपरिषद् बैठकः एआइजीको बढुवा, समाज कल्याणमा नियुक्ति
-
कस्तो हुनुपर्छ शैक्षिक र व्यवसायिक अन्तरसम्बन्धको मोडल ?
प्रतिक्रिया