काठमाडौं । इंग्लिस क्लब म्यानचेस्टर युनाइटेडका फरवार्ड क्रिस्टियानो रोनाल्डोका छोरा पनि क्लबकै एकेडेमीमा अनुबन्धित भएका छन् ।

रोनाल्डोका छोरा क्रिस्टियानो रोनाल्डो जुनियरले हालैमात्र युनाइटेडसँग सम्झौता गरेका छन् ।

११ वर्षीय रोनाल्डो जुनियरले युनाइटेडको यु–१२ टोलीबाट खेल्ने पक्का गरेका छन् ।

उनले बाबुको पदचाप पछ्याउँदै युनाइटेडको युथ टोलीमा ७ नम्बरकै जर्सी लगाउने भएका छन् ।

पोर्चुगिज कप्तान रोनाल्डोले युनाइटेडमा ७ नं. कै जर्सी लगाउँदै आएका छन् ।

रोनाल्डो यसै सिजन इटालियन क्लब युभेन्टसबाट युनाइटेड आएका थिए । उनलाई ७ नं.को जर्सी उपलब्ध गराउन इंग्लिस फुटबल संघले विधान नै परिवर्तन गरेको थियो ।

किनकि, रोनाल्डो आउनुभन्दा अघि नै यो सिजन एडिन्सन काभानीले ७ नं. जर्सी लगाउँदै आएका थिए । यसर्थ, रोनाल्डोलाई सो नं. दिन नियम नै परिवर्तन गर्नुपरेको थियो ।