काठमाडौं । प्रतिपक्षी दल नेकपा ९एमाले०ले आफूसँग कुनै छलफल नगरी सत्ता गठबन्धन दलका सांसदहरूले प्रधानन्यायाधीश चोलेन्द्रशमशेर जबराविरुद्ध महाअभियोग दर्ता गरिएकोमा आपत्ति जनाएको छ ।

कानूनमन्त्री दिलेन्द्रप्रसाद बडूसहित गठबन्धन दलका ९८ जना सांसदले जबराविरुद्ध संसद सचिवालयमा महाअभियोग दर्ता गरिएकोमा आपक्ति जनाएको हो ।

यस विषयमा नेपालवाचसँग प्रतिक्रिया दिँदै एमाले संसदीय दलका उप–नेता तथा उपाध्यक्ष सुवासचन्द्र नेम्वाङले गम्भीर विषयमा प्रतिपक्षलाई जानकारी नदिइ सत्तापक्षले प्रधानन्याधीशविरुद्ध महाअभियोग प्रस्ताव ल्याउनु गलत भएको बताए ।

‘सत्तापक्ष, संसद र सिंगो देशलाई जानकारी दिएर निर्वाचनको तयारीमा एमाले सातै प्रदेशमा प्रशिक्षण कार्यक्रममा व्यस्त रहेको अवस्थामा हठात महाअभियोगको कुरा आएको छ । यसले हामीलाई गम्भीर बनाएको छ । यस्तो गम्भीर विषयमा प्रतिपक्षलाई कुनै पनि जानकारी छैन’, नेम्वाङले भने, ‘यसबारेमा हामीले सबै साथीहरूलाई खबर गरेका छौं । अब यसबारेमा छलफल गरेर एउटा निष्कर्षमा पुग्छौं ।’

निर्वाचनको मितिसमेत घोषणा गरिसकेको अवस्थामा प्रधानन्याधीशविरुद्ध महाअभियोग प्रस्ताव ल्याउनुमा कुनै गम्भीर षड्यन्त्र हुनसक्ने उनले आशंका गरोका छन् ।