प्रधानमन्त्रीको चिकित्सकमा डा. शैल रूपाखेती नियुक्त

नेपालवाच २०७८ फागुन ३ गते १७:१८

काठमाडाैं । स्टार अस्पतालका कार्यकारी निर्देशक डा. शैल रुपाखेती प्रधानमन्त्रीको निजी चिकित्सकमा नियुक्त भएका छन् ।

गत २४ माघमा बसेको मन्त्रिपरिषद्को बैठकले डा. रुपाखेतीलाई विशिष्ट श्रेणीको सेवासहित मन्त्रिपरिषद्को चिकित्सकमा नियुक्त गरेको हो ।

‘नेपाल सरकार मन्त्रिपरिषदको माघ २४ गतेको निर्णयअनुसार तपाईंलाई प्रधानमन्त्री तथा मन्त्रिपरिषद्को (विशिष्ट श्रेणी) चिकित्सक तोकिएको व्यहोरा सहर्ष जानकारी गराउँदछु,’ पत्रमा भनिएको छ ।

प्रधानमन्त्री कार्यालयले गत आइतबार डा. रुपाखेतीलाई नियुक्तिको पत्र दिएको हो ।