काठमाडौं । च्याम्पियन्स लिग फुटबलमा लिभरपुलले सहज जित हात पारेको छ । गएराति भएको खेलमा लिभरपुलले इन्टर मिलानलाई २–० गोल अन्तरले पराजित गरेको हो ।

पहिलो हाफ गोलरहित बराबरीमा सकिएको खेलमा लिभरपुलले दुवै गोल दोस्रो हाफमा गरेको थियो । ७५ औं मिनेटमा रोबर्टो फिरमिन्हो र ८३ औं मिनेटमा मोहम्मद सलाहले गोल गरेका हुन् ।

मिलानले खेलमा ९ प्रहार गरे पनि एउटा पनि अन टार्गेट प्रहार गर्न सकेन । यी दुईबीच अर्को लेग ९ मार्चमा लिभरपुलको मैदानमा हुनेछ ।