काठमाडौं । प्रधानमन्त्री निवास बालुवाटारमा सत्ता साझेदार दलका नेताहरूको बैठक सुरु भएको छ । अमेरिकी सहयोग परियोजना मिलेनियम च्यालेन्ज कर्पोरेशन (एमसिसी) बारे छलफल गर्न गठबन्धन दलका नेताहरू जुटेका हुन् ।

बैठकमा प्रधानमन्त्री शेरबहादुर देउवा, माओवादी केन्द्रका अध्यक्ष प्रचण्ड, एकीकृत समाजवादीका अध्यक्ष माधवकुमार नेपाललगायत नेताहरू सहभागी छन् ।

जारी बैठकमा अहिले एमसिसी प्रस्ताव संसद्मा पेश गर्नेबारे छलफल चलिरहेको बताइएको छ ।

एमसिसीबारे सत्ता साझेदार दल विभाजित छ । नेपाली कांग्रेस यथास्थितिमा एमसिसी संसदमा टेबुल गरेर पास गर्ने पक्षमा छ भने माओवादी केन्द्र र एकीकृत समाजवादी संशोधनपछि मात्रै यसलाई अगाडि बढाउनुपर्ने अडानमा छन् ।

यही कारण एमसिसी टेबुल गर्न बोलाइएको एमसिसी बैठक पटकपटक स्थगित भएको छ ।

सत्ताधारी दलको आजको बैठक निर्णायक हुने बताइएको छ । बैठक सकिएपछि आजै दिउँसो १ बजे बस्ने प्रतिनिधिसभा बैठकमा एमसिसी टेबुल गर्ने नेपाली कांग्रेसको तयारी छ ।

एमसिसी पास गर्न अमेरिकाले फागुन १६ सम्मको समय दिएकाले सरकार दबाबमा छ ।