मकावनपुर । कान्तिलोकपथअन्तर्गत मकवानपुरको हेटौँडा-५ को क्याम्पाडाँडामा मोटरसाइकल दुर्घटना हुँदा एकजनाको ज्यान गएको छ ।

मकवानपुर प्रहरी कार्यालयका अनुसार आज बिहान हेटाैंडा-८ कमानेबाट क्याम्पाडाँडातर्फ आउँदै गरेको ना.६३प ७४२ नम्बरको मोटरसाइकल दुर्घटना हुँदा मोटरसाइकल चालक हेटौँडा-१५ फायरलाइन बस्ने २५ वर्षीय विक्रम वाइवाको हेटौँडा अस्पतालमा उपचारका क्रममा मृत्यु भएको हो । मोटसाइकलमा सवार अर्का एकजना घाइते भएका छन् ।

तीव्र गतिमा रहेको मोटरसाइकल अनियन्त्रित भई दुर्घटना भएको प्रहरी नायब उपरीक्षक जयश्वर रिमालले जानकारी दिए  । मोटरसाइकलमा सवार सोही स्थानका ३१ वर्षीय रमेश वल घाइते भएकाले सोही अस्पतालमा उनको सोही अस्पतालमा उपचार भइरहेको उनको भनाइ थियो ।