काठमाडौं । सत्ता गठबन्धनमा सकसपूर्ण सहमतिपछि संसद्मा एमसिसी टेबल हुँदैछ । सत्ता गठबन्धनमा विवादपछि निरन्तरको छलफलले एमसिसी संसदमा टेबल गरेर छलफल अघि बढाउने समझदारी भएको हो । यसै अनुरुप आज संसदमा एमसिसी पेश गर्ने कार्यसूची तय भएको हो । बैठक सुरू भइसकेकाे छ ।

प्रतिनिधिसभा बैठकका लागि लोकसेवा आयोगको विधेयक, राष्ट्रिय समावेशी आयोगको तेस्रो वार्षिक प्रतिवेदन र अमेरिकी सहयोग निकाय मिलेनियम च्यालेन्ज कर्पोरेशन (एमसिसी) अनुदान सहायता सम्झौता प्रस्तुत हुन लागेको हो ।

अर्थमन्त्री जनार्दन शर्माले एमसिसी संसदमा प्रस्तुत गर्ने कार्यसूची रहेकोमा संचारमन्त्री ज्ञानेन्द्रबहादुर कार्कीले प्रस्तुत गर्न लागेका हुन् ।
एमसिसीमा माओवादी, नेकपा एसका केही नेता र राष्ट्रिय जनमोर्चाले विरोध गरेको छ ।