काठमाडौं । अमेरिकी परियोजना एमसिसी संसद्बाट पारित गर्नेबारे रणनीति बनाउन नेपाली कांग्रेसका नेताहरू प्रधानमन्त्री निवास बालुवाटारमा जुट्ने भएका छन् ।

बैठक प्रधानमन्त्रीसमेत रहेका कांग्रेसका सभापति शेरबहादुर देउवाले बोलाएका हुन् । बैठकमा उपसभापति, महामन्त्री, सचेतक र केही पूर्वपदाधिकारीहरू उपस्थित उनले प्रवक्ता डा. प्रकाशशरण महतले जानकारी दिए ।

बैठकमा एमसिसी पारित गर्न संसद्मा कांग्रेसले निर्वाह गर्ने भूमिका, सत्ता गठबन्धनमा साझा धारणा बनाउन गरिने प्रयासलगायत अन्य विकल्पबारे छलफल हुने उनले जनाए ।