बर्तौलाले छोडे राप्रपा, पूर्वराजाको हस्तक्षेपबारे छानबिन नभएको आरोप
काठमाडौं । केन्द्रीय सदस्य राजाराम बर्तौलाले राष्ट्रिय प्रजातन्त्र पार्टी (राप्रपा) परित्याग गरेको घोषणा गरेका छन् ।
राप्रपा महाधिवेशनमा पूर्वराजा ज्ञानेन्द्र शाहले गरेको हस्तक्षेपबारे अछानबिन गर्न माग गरेको तर नेतृत्वले बेवास्ता गरेका कारण आफूले बाध्य भएर पार्टी छोड्न बाध्य भएको उनले बताएका छन् ।
‘पार्टीभित्र गम्भीर सैद्धान्तिक विचलन र स्वेच्छाचारिता मौलाएको हुँदा यो अवस्थामा नैतिकरूपमा पार्टीभित्र बस्न सक्ने आधार समाप्त भएकोले नैतिकताको आधारमा आजैका मितिदेखि साधारण सदस्यसमेत नरहने गरी केन्द्रीय सदस्य पदबाट राजीनामा दिएको छु’, बर्तौलाद्वारा जारी विज्ञप्तिमा उल्लेख छ ।
केही समयअघि मात्रै पूर्वअध्यक्ष कमल थापाले पनि पूर्वराजा र निर्मल निवासले गरेको हस्तक्षेपको छानबिन नभएको भन्दै पार्टी परित्याग गर्दै पुरानै पार्टी राप्रपा नेपाललाई ब्युँताएका थिए ।
थापानिकट बर्तौलाले पनि सोही पदचाप पछ्याएका छन् । अब उनी पनि थापा नेतृत्वको राप्रपा नेपालमा प्रवेश गर्ने सम्भावना रहेको बताइएको छ ।
प्रतिक्रिया