काठमाडौं । युक्रेनविरुद्ध सैन्य कारबाहीको घोषणा गरेको रुसले युक्रेन कब्जाको योजना नरहेको बताएको छ । युक्रेनविरुद्ध युद्ध घोषणा गर्न आयोजित टेलिभिजन सम्बोधनका क्रममा पुटिनले युक्रेनमाथि कब्जा गर्ने कुनै योजना नरहेको बताए ।

‘आफ्नो देश कसले चलाउँछ भन्ने रोज्य युक्रेनी नागरिक स्वतन्त्र छन्,’ टेलिभिजन सम्बोधनका क्रममा पुटिनले भने, ‘युक्रेनमाथि कब्जा गर्ने कुनै योजना छैन ।’

उनले आत्मरक्षाका लागि यो कदम चालेको बताए ।

रुस र युक्रेनको बढ्दो तनावबीच रुसले युक्रेनविरुद्ध सैन्य कारबाहीको घोषणा गरेको छ । रुसको यस्तो घोषणासँगै विश्व तरंगित भएको छ । संयुक्त राष्ट्र संघले तत्काल युद्ध रोकेर शान्तिको मौका दिन अपिल गरेको छ ।