काठमाडौं । युरोपियन च्याम्पियन्स लिग फुटबलको अन्तिम १६ को खेलमा इंग्लिस महारथी म्यानचेस्टर युनाइटेड हारबाट जोगिएको छ । युनाइटेड स्पेनिस क्लब एट्लेटिको म्याड्रिडसँग हारबाट जोगिएको हो ।

गएराति भएको अन्तिम १६ को पहिलो लेगमा युनाइटेड एट्लेटिले १– १ गोलको बराबरी खेल ।

खेलको सातौं मिनेटमा जाओ फेलिक्सले गोल गर्दै घरेलु टोली एट्लेटिकोलाई सुरुवाती अग्रता दिलाएका थिए ।

त्यसपछि पहिलो हाफमा युनाइटेड खेलमा फर्कने कोसिस गरेको थियो तर सम्भव भए ।

एट्लेटिकोले पनि दुई गोलको अग्रता लिने केही अवसर खेल फालेको थियो ।

पहिलो हाफमा एट्लेटिको १–० ले अगाडि रह्यो ।

तर, खेलको ८० औं मिनेटमा एन्थोनी एलंगाले गोल गर्दै खेल १–१ गोलको बराबरीमा ल्याउँदै युनाइटेडलाई हारबाट जोगाए ।

युनाइटेडका सुपरस्टार क्रिस्टियानो रोनाल्डोले खेलमा गोल गर्न सकेनन् । पाएका केही अवसर खेर फालेका थिए ।

अब दुई टोलीबीचको दोस्रो लेग मार्च १६ मा युनाइटेडको मैदानमा हुनेछ ।