काठमाडौं । रुसले युक्रेनमाथि सैन्य कारबाहीको घोषणा गरेको छ । रुसका राष्ट्रपति भ्लादिमिर पुटिनले पूर्वी युक्रेनको डोनबास क्षेत्रमा सैन्य कारबाहीको घोषणा गरेका हुन् ।

सैन्य कारबाहीको घोषणा गरेका केहीबेरमै रुसले युक्रेनमाथि लगातार आक्रमण गर्न थालेको छ ।

यसैबीच, युक्रेनी राष्ट्रपति भोलोदिमिर जेलेन्स्कीले युक्रेनमा सैन्य कानुन लागू गरेको अन्तर्राष्ट्रिय सञ्चारमाध्यमहरूले जनाएका छन् ।

रुसले युक्रेनमा क्षेप्यास्त्र प्रहार गरेको जानकारी दिँदै राष्ट्रपति जेलेन्स्कीले सैन्य कानुन लागू गरेको घोषणा गरेका हुन् ।

रुसले युक्रेनका केही स्थानमा क्षेप्यास्त्र प्रहार गरको युक्रेनका सरकारी अधिकृत र सञ्चारमाध्यमलाई उद्धृत गर्दै रोयटर्सले लेखेको छ ।

साथै युक्रेनको साउथ कोस्ट आफ्ना सेना युक्रेनमा प्रवेश गराएको बताइएको छ ।

केही घण्टाअघि युक्रेनको राजधानी किभनजिक विष्फोट भएको थियो ।

बिबीसीले जनाएअनुसार किभ क्षेत्रमा ५ देखि ६ वटासम्म विष्फोटका आवाज सुनिएको थियो ।