काठमाडौं । पछिल्लो २४ घण्टामा देशभर थप १११ मा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार पछिल्लो समय ६ हजार ४८६ जनाको परीक्षण गर्दा उक्त संख्यामा संक्रमण पुष्टि भएको हो । योसँगै नेपालमा पिसिआर विधिबाट गरिएको परीक्षणमा कोरोना संक्रमितको संख्या नौ लाख ७६ हजार ८६५ जना पुगेको छ ।

एन्टिजेन परीक्षण गर्नेको संख्या एक लाख ३९ हजार ३२६ जना रहेको छ । पछिल्लो समय थप ४१५ जना संक्रमणमुक्त भएका छन् । योसँगै संक्रमणमुक्त हुनेको संख्या नौ लाख ५६ हजार ४१३ पुगेको छ ।

आज थप एक जनाको मृत्यु भएको छ । यससँगै हालसम्म कोरोनाबाट मृत्यु हुनेको संख्या ११ हजार ९३५ पुगेको छ ।

हाल सक्रिय संक्रमितको संख्या ८ हजार ५१७ जना रहेको छ ।