काठमाडौं । तनहुँको दमौली चोकमा आगलागी भएको छ । दमौली बजारको एक हार्डवेयर गोदाममा बिहान १० बजेदेखि आगलागी भएको हो । आगलागी भएसँगै स्थानीय स्तरबाट दमकल ल्याएर निभाउन खोजेपनि अहिलेसम्म आगो अनियन्त्रित नै भएको तनहुँका सहायक प्रमुख जिल्ला अधिकारी काशिराम गैरेले नेपालवाचलाई जानकारी दिए ।

उनका अनुसार अहिलेसम्म मानवीय क्षति भएको जानकारी छैन । स्थानीय स्तरबाट आगो निभाउन नसकेपछि गृह मन्त्रालयले सिम्रिक एयरसँग सहयोग मागेको र १० मिनेटभित्र पुग्ने उनले बताए ।

अहिलेसम्म भाैतिक कति क्षति भयाे भन्ने कुरा अनुमान लगाउन तत्काल नसकिने उनको भनाइ छ ।

आगलागी नजिकैकाे मिनी मार्केट सुरू भएर भुपाल हार्डवेयर धेरै क्षति भएकाे स्थानीय पदम ढकालले जानकारी दिए ।

फाेटाे साैजन्य पदम ढकाल ।