काठमाडौं । तनहुँको दमौली चोकमा आगलागीपछि निभाउन हेलिकोप्टरको प्रयोग गरिएको छ । आगलागी नजिकैको मिनी मार्केट सुरू भएर भुपाल हार्डवेयर धेरै क्षति भएको छ ।

आगो निभाउन दमकलसहितको प्रयासले मात्रै नपुगेपछि हेलिकोप्टरको प्रयोग गरी निभाउने प्रयास गरिएको छ । अहिलेसम्म आगो अनियन्त्रित नै भएको तनहुँका सहायक प्रमुख जिल्ला अधिकारी काशिराम गैरेले नेपालवाचलाई जानकारी दिए ।

उनका अनुसार अहिलेसम्म मानवीय क्षति भएको जानकारी छैन । स्थानीय स्तरबाट आगो निभाउन नसकेपछि गृह मन्त्रालयले सिम्रिक एयरसँग सहयोग मागेको थियो । अहिले हेलिकोप्टरले आगो निभाउने प्रयास गरिरहेको प्रत्यक्षदर्शी पदम ढकालले जानकारी दिए ।