काठमाडौं । हारका बाबजुद इंग्लिस क्लब लिभरपुल च्याम्पियन्स लिग फुटबलको क्वार्टरफाइनलमा प्रवेश गरेको छ ।

गएराति भएको खेलमा इटालियन क्लब इन्टर मिलानसँग १–० गोलले पराजित हुनका बाबजुद पहिलो लेगको नतिजाका आधारमा लिभरपुल समग्रमा २–१ को जित निकाल्दै क्वार्टरफाइनलमा पुगेको हो ।

पहिलो लेगमा लिभरपुलले इन्टरलाई २–१ ले हराएको थियो ।

अन्तिम १६ को दोस्रो लेगमा लिभरपुलको मैदान एनफिल्डमा इन्टरलाई जित दिलाउन लाउटरो मार्टिनेजले ६१ औँ मिनेटमा निर्णायक गोल गरेका थिए ।

६३ औं मिनेटमा एलेक्सिस सान्चेजले दोहोरो पहेलो कार्डसहित रातो कार्ड पाएपछि इन्टर १० खेलाडीमा समेटिएको थियो ।

यस्तै, गएराति नै भएको अर्को खेलमा रोबर्ट लेवान्डोस्कीको ह्याट्रिकको मद्दतले जर्मन क्लब बायर्न म्युनिखले अष्ट्रियन क्लब रेडबुल साल्जवर्गलाई ७–१ गोलको फराकिलो अन्तरले हराएको छ ।

यस जितसँगै बायर्न समग्रमा ८–२ गोल अन्तरको जित निकाल्दै युरोपियन च्याम्पियन्स लिग फुटबलको अन्तिम आठमा प्रवेश गरेको छ ।

लेवान्डोस्कीको ह्याट्रिकमा बायर्नको फराकिलो जित, पुग्यो क्वार्टरफाइनलमा