दमौली । नेपाली कांग्रेसका केन्द्रीय सदस्य प्रदीप पौडेलले तरुण दल कांग्रेसको लागि लड्ने हत्तियार मात्र नभइ भोलिको नेपाल चलाउने नेतृत्व भएको बताएका छन् ।

नेपाल तरुण दल, तनहुँले आयोजना गरेको आगामी निर्वाचनमा नेपाल तरुण दल तनहुँको भूमिका, नेपाली कांग्रेस तनहुँमा हार्दिकता र एकता विषयको अन्र्तक्रियात्मक गोष्ठीमा बोल्दै नेता पौडेलले तरुण दल कांग्रेसको लागि लड्ने हतयार मात्र नभइ भोलिको नेपाल चलाउने नेतृत्व भएको बताएका हुन् ।

सुसंस्कृत तरुण दल आजको आवश्यकता भएको बताउँदै उनले बिग्रिएको समाजलाई सही बाटोमा ल्याउन कांग्रेस पार्टी र त्यसमा पनि तरुण दलले मात्रै सक्ने बताए ।

पौडेलले भने, ‘विधि पद्धतिभित्र बसेर औपचारिक बहसमा उभिन तरुण दलको आवश्यकता छ । कांग्रेसलाई बलियो बनाउने हो भने उसको सम्पूर्ण अंग बलियो बन्नुपर्छ ।

उनले कांग्रेसलाई बलियो बनाउनका पार्टीको मेरुदण्ड मानिएको तरुण दललाई पनि अझै बलियो बनाउनुपर्ने औँल्याए ।