NepalWatch

News Portal For Eeverything In Nepal from Nepal

२०८१ साउन ८ गते

चीनमा दैनिक कोभिड संक्रमण दुई वर्षयताकै उच्च, चाङ्गचुनमा लकडाउन

काठमाडौं । कोभिड–१९ को उदगम देश चीनमा फेरि यसको संक्रमण फैलिएको छ । संक्रमणको ग्राफ बढेपछि यहाँको उत्तरपूर्वी सहर चाङ्गचुनमा लकडाउन घोषणा गरिएको छ ।

अन्तर्राष्ट्रिय सञ्चार माध्यमहरूले जनाएअनुसार चीनमा अहिले दैनिक संक्रमण दश हजार माथि छ । यो दुई वर्षयताकै उच्च दैनिक संक्रमण दर हो ।

जिलिन प्रान्तको राजधानी चाङ्गचुनमा ओमिक्रोन भेरियन्ट संक्रमित बढ्न थालेपछि घरबाटै काम गर्न आदेश दिइएको छ । अत्यावश्यकीय सामग्री खरिदका लागि एक घरबाट प्रत्येक दुई दिनमा एक जना मात्र बाहिर जाने नियम बाँधिएको छ । यो शहरमा ९० लाख मानिसको आवादि छ ।

चीनका अन्य क्षेत्रमा पनि कोभिड–१९ संक्रमण फैलिएको छ । सांघाइका विद्यालयमा भौतिक उपस्थितिमा कक्षा सञ्चालनमा रोक लगाइएको छ ।