काठमाडौं । एकदिवसीय विश्वकप छनोट अन्तर्गतको त्रिकोणात्मक श्रृखलामा पपुवा न्युगिनीविरुद्ध २०५ रनको लक्ष्य पछ्याएको नेपाललाई सुरुवातमा तीन झट्का लागेको छ । कुशल मल्ल १ र ज्ञानेन्द्र मल्ल ४ रनको स्थितिमा आउट भएका हुन् । दोस्रो ओभरको पहिलो बलमै भुर्तेल आउट भए ।

२.४ ओभरमा मल्ल पनि चार रनमा आउट भएका हुन् । दीपेन्द्रसिंह ऐरी ९.३ अाेभरमा  ८ रन बनाएर अाउट भए । १० ओभरमा तीन विकेट गुमाएर नेपालले २४ रन बनाएको छ । निर्धारित ५० ओभरको खेलमा ८ विकेट गुमाउँदै पिएनजीले २०४ रन बनाएको हो ।

पिएनजीका लागि चाल्र्स एमिनीले सर्वाधिक ५९ रन बनाए । चाड सोपेरले ३५ रन बनाए । टोरी उराले २७, लेगा सिआकाले २५, नर्मन भानुवाले २३ र असाद भालाले १९ रन बनाए ।

नेपालका लागि बलिङतर्फ नेपालका सोमपाल कामीले तीन, आरिफ शेख, सन्दीप लामिछाने र ज्ञानेन्द्र मल्लले एक एक विकेट लिए । मल्लले पहिलोपटक एक दिवसीय खेलमा विकेट लिएका हुन् ।