पपुवा न्युगिनीविरुद्ध रोहितको अर्धशतक
काठमाडौं । एकदिवसीय विश्वकप छनोट अन्तर्गतको त्रिकोणात्मक श्रृखलामा नेपाली खेलाडी रोहितकुमार पौडेलले अर्धशतक बनाएका छन् ।पपुवा न्युगिनीविरुद्ध २०५ रनको लक्ष्य पाएको नेपालको शीर्ष क्रमका ब्याटर चल्न नसक्दा रोहितले भने अर्धशतक बनाएका छन् । उनले ७१ बलमा ५० रन बनाएका हुन् ।
योसँगै रोहितले एक दिवसीयमा चौथो अर्धशतक प्रहार गरेका छन् ।
सुरुवाती ब्याटरहरू कुशल भुर्तेल १ रनमा, आशिफ शेख १६, ज्ञानेन्द्र मल्ल ४ र दीपेन्द्रसिंह ऐरी ८ रनमा आउट भएका हुन् । २८ ओभर सकिंदा नेपालले एक सय रन कटाएको छ ।
पौडेलले ५० र आरिफ शेखले २९ रन बनाएर खेलिरहेका छन् । नेपालले ३२ ओभरमा ११९ रन जोड्दा चार विकेट गुमाएको छ । नेपाललाई जितका लागि १८ ओभरमा अझै ८६ रन आवश्यक छ ।
प्रतिक्रिया