काठमाडौं । कांग्रेसको भ्रातृ संस्था नेपाल दलित संघको महाधिवेशन स्थगित भएको छ । स्थानीय तहको निर्वाचन नजिकिएको भन्दै कांग्रेसले संघको महाधिवेशन स्थगित गरेको हो ।

‘स्थानीय तहको निर्वाचन नजिक भएकोले अहिले होइन चुनावपछि गरौं भन्ने जानकारी गृहमन्त्री बालकृष्ण खाणबाट पाएका छौं’ नेता प्रकाश स्नेही रसाइलीले भने ।

तर अधिवेशनको लागि हुम्ला, मुगु, जुम्लासहितका जिल्बाट प्रतिनिधि आइसकेको स्नेहीले बताए ।

यही चैत ७ देखि ९ सम्म अधिवेशन हुने बताइए पनि केही दिन अघिमात्रै स्थगित हुँदा समस्या आएको उनी बताउँछन् ।

‘अहिले सबै स्थानीय तहको निर्वाचनमा लाग्नुपर्ने भएकोले धेरैको समय नहुने भन्दै स्थगित गरिएको खबर आयौं’ उनी भन्छन्, ‘अब स्थानीय तहको निर्वाचनपछि मात्र अधिवेशन हुन्छ भन्ने जानकारी पार्टीले गराएको छ ।’

नियमित अवस्थामा २०७३ सालमा महाधिवेशन हुनुपर्ने भए पनि सर्दै आएको छ ।

यी थिए अध्यक्षका दाबेदार

लामो समयदेखि अधिवेशन नभएको संघको महाधिवेशनमा अध्यक्षका लागि संस्थापनबाट लोकेन्द्र विश्वकर्मा, शम्भु हजारा पासवान, क्षेत्रसिंह टेलर र संस्थान इतरबाट डोबाटे विक, मुक्त महते, कृष्ण बिके रसाइली र शिव सुनार अध्यक्षको दाबेदार छन् ।