काठमाडौं । आइसिसी विश्वकप लिग–२ त्रिकोणात्मक ओडिआई सिरिजअन्तर्गत अहिले नेपालले घरेलु टोली संयुक्त अरब इमिरेट्स (युएई)सँग प्रतिस्पर्धा गरिहेको छ ।

नेपालले टस जितेर फिल्डिङ गरिरहेको छ ।

यसैबीच, नेपालले ३ विकेट चट्काएको छ । कप्तान सन्दीप लामिछाने, करण केसी र दीपेन्द्रसिंह ऐरीले १–१ विकेट लिएका छन् ।

युएईले २३ ओभरमा ७५ रन बनाएको छ ।

आज नेपालका कप्तान सन्दीपले टोलीमा तीन परिवर्तन गरेका छन् ।

उनले आसिफ शेख, कमलसिंह ऐरी र स्पिनर सागर ढकाललाई बेन्चमा राखेका छन् । तर, विकेटकिपर विनोद भण्डारी, विक्रम सोब र पवन सरार्फलाई प्लेइङ–११ मा मौका दिएका छन् ।

यस्तो छ नेपालको प्लेइङ ११ :

ज्ञानेन्द्र मल्ल, दीपेन्द्रसिंह ऐरी, कुशल भुर्तेल, विनोद भण्डारी (विकेटकिपर), पवन सरार्फ, आरिफ शेख, करण केसी, रोहित पौडेल, विक्रम सोब, सन्दीप लामिछाने (कप्तान) र सोमपाल कामी ।