युएईले नेपाललाई दियो २०३ रनको लक्ष्य

साफ च्याम्पियनसिपमा इतिहास बदल्ने नेपालको लक्ष्य

नेपालवाच २०७८ चैत ७ गते १४:५४

काठमाडौं । युएईले आइसिसी विश्वकप लिग–२ त्रिकोणात्मक ओडिआई सिरिजको दोस्रो खेलमा नेपाललाई दुई सय तीन रनको लक्ष्य दिएको छ । निर्धारित ५० ओभरको खेलमा युएईले ९ विकेट गुमाउँदै नेपाललाई २०३ रनको लक्ष्य दिएको हो ।

युएईको लागि रोहन मुस्तफाले ६०, मोहम्मद वासिमले ३३, चिराग सुरीले २६ र भ्रृत्य अरविन्दले २४ रन बनाए ।

बलिङतर्फ नेपालका सन्दीप लामिछानेले तीन, करण केसी र सोमपाल कामीले २/२, दीपेन्द्रसिंह ऐरी र आरिफ शेखले एक-एक विकेट लिए ।

नेपाल पहिलो खेलमा पनि युएईसँग ४८ रनले पराजित भएको थियो । १६९ रनकाे सामान्य लक्ष्य पछ्याए पनि नेपाल १२० रनमै समेटिंदा पराजित भएकाे थियाे ।