काठमाडौं । आइसिसी विश्वकप लिग–२ त्रिकोणात्मक ओडिआई सिरिजको दोस्रो खेलअन्तर्गत जारी खेलमा नेपालले तीन विकेट गुमाएको छ ।

नेपालका ओपनर कुशल भुर्तेल ७ बलमा ५ रन बनाउँदै आउट भएका छन् । नेपालले दोस्रो अभरमै विकेट गुमाएको हो । पहिलो विकेट गुमाउँदा नेपालले ६ रनमात्र बनाएको थियो ।

यस्तै, अर्का ओपनर पवन सर्राफ पनि ४ बलमा २ रन बनाउँदै आउट भएका छन् ।

त्यसपछि आएका दीपेन्द्रसिंह ऐरी पनि शून्य रनमा आउट भएका छन् ।

नेपालले ३ ओभरमै ३ विकेट गुमाइसकेको छ । तेस्रो विकेट गुमाउँदा नेपालले ८ रनमात्र बनाएको छ ।

नेपाल युएईले दिएको २०३ रनको लक्ष्य पछ्याइरहेको छ । निर्धारित ५० ओभरको खेलमा युएईले ९ विकेट गुमाउँदै नेपाललाई २०३ रनको लक्ष्य दिएको हो ।