काठमाडौं । विश्वकै नम्बर वान अष्ट्रेलियाली टेनिस खेलाडी एश्ली बार्टीले २५ वर्षको उमेरमै खेलबाट सन्यास लिएकी छन् ।

४४ वर्षपछि आफ्नै घरेलु मैदानमा अष्ट्रेलियाली ओपन जित्ने एश्लीले सन्या लिएको घोषणा गरेकी हुन् । सन्यास घाषणा गर्दै उनले भनिन्, ‘म टेनिसबाट सन्यास लिइरहेको छु, यसको घोषणा गर्न मेरा लागि यो भावनात्मक क्षण र मुस्किल भएको छ ।’

इन्स्टाग्राममा पोस्ट् भएको एक भिडियो सन्देशमा एश्लीले भनिन्, ‘खेलबाट मैल जे पाएँ त्यसका लागि कृतज्ञ छु । यसले मेरा सपना पूरा गरेको छ । अबको समय भनेको अन्य सपना पूरा गर्नु हो ।’

एश्ली बार्टी दुई वर्षदेखि नम्बर वान खेलाडी बनेकी थिइन् । उनले सन् २०१९ मा फ्रेन्च ओपन २०२१ मा विम्बिल्डन र यस वर्ष अष्ट्रेलिया ओपन जितेकी थिइन् । फ्रेन्च ओपन उनको पहिलो ग्रान्ड स्ल्याम थियो ।