सहयात्री जीवन, बुटवल । रुपन्देहीकाे बुटवलमा आज भएको सडक दुर्घटनामा एक युवाको मृत्यु भएको छ ।

आज दिउँसो करिब १ बजेतिर बुटवलस्थित जितगढीमा लु ८३ प ४१४४ नम्बरको स्कुटर र लु ७४ प ६०१६ मोटरसाइकल ठोक्किएर दुर्घटना भएको हो ।

दुर्घटनापछि भुइँमा लडिरहेका स्कुटर चालकलाई पछाडिबाट आएको ना १ क ४१४६ नम्बरको तिलोत्तमा क्याम्पसको बसले ठक्कर दिँदा उनको घटनास्थलमै मृत्यु भएको रुपन्देही प्रहरीले जनाएको छ ।

मृत्यु हुने गुल्मी भिरकोटका ३० वर्षीय मनोज थापा रहेका छन् । उनी बुटवलमै बस्दै आएका थिए ।

दुर्घटनापछि बस चालक र मोटरसाइकल चालकलाई प्रहरीले नियन्त्रणमा लिएर अनुसन्धान अघि बढाएको छ ।