काठमाडौं । पपुवा न्युगिनी (पिएनजी)विरुद्ध घरेलु मैदानमा २९३ रनको चुनौतीपूर्ण लक्ष्य पछ्याएको नेपाललाई लगातार तीन झट्का लागेको छ ।

७.३ ओभरमा अनिल २१ बलमा ६ रन बनाएर आउट भए । ८.६ ओभरमा डेब्यु म्याचमै देव खनाल ६ बल खेल्दा शून्य रनमै आउट भए । लगत्तै ९.१ ओभरमा ३२ रन बनाएर खेलिरहेका ओपनर कुशल भुर्तेल पनि आउट भएपछि नेपाली टिमलाई सुरुवाती झट्का लागेको हो ।

नेपालले ११ ओभरमा ३ विकेट गुमाउँदा ५६ रन जोडेको छ ।

ब्याटिङमा दीपेन्द्रसिंह ऐरी र रोहित पौडेल छन् । रोहितले विश्वकप लिग २ मा पिएनजी विरुद्धका दुवै जितमा ६० र ४४ रनको महत्वपूर्ण इनिङ खेलेका थिए ।