काठमाडौं । नेपाली सेनाले पाइलटदेखि डाक्टरसम्मका प्राविधिक पदमा जनशक्ति माग गरेको छ ।

नेपाली सेनाको भर्ना छनोट निर्देशनालय, कार्यरथी विभाग, जंगीअड्डाले लेखा उपसेनानी, प्राड उपसेनानी, पाइलट उपसेनानी र विभिन्न ट्रेडका प्राविधिक अधिकृत पदहरूमा खुला तथा समावेशी प्रतियोगिताबाट पदपूर्तिका लागि सोमबार विज्ञापन आह्वान गरेको हो ।

सेनाले सबैभन्दा धेरै एमबिबिएस उत्तीर्ण ५० चिकित्सक माग गरेको छ । यो पदमा खुलामा मात्रै ५० जनाले प्रतिस्पर्धा गर्न पाउनेछन् । लेखातर्फको उपसेनानी पदमा ४० जना माग गरिएको छ । सेनाले चार जना पाइलट पनि माग गरेको छ ।

आवेदन दिन एक महिनाको समय दिइएको छ । दोब्बर दस्तुर तिरेर थप एक साता आवेदन दिन सकिनेछ ।