काठमाडौं । विवेकशील साझा पार्टीका अध्यक्ष रवीन्द्र मिश्र विरोधी पक्षले पार्टी केन्द्रीय कार्यालयमा पत्रकार सम्मेलन गर्न खोजेपछि तनावको स्थिति सिर्जना भएको छ । केन्द्रीय कार्यालय बखुण्डोलमा तनाव सिर्जना भएको हो ।

यसअघि मिलन पाण्डे नेतृत्वको असन्तुष्ट पक्षले सोमबार बैठक गरेर अध्यक्ष मिश्रलाई किन कारबाही नगर्ने भनेर तीनदिने स्पष्टीकरण सोध्ने निर्णय गरेको थियो । सोबारे जानकारी दिन पार्टी केन्द्रीय कार्यालयमा आज ११ बजे पत्रकार सम्मेलन आयोजना गरिएको थियो ।

अध्यक्ष मिश्र पक्षको सो पत्रकार सम्मेलन रोक्न खोजेको थियो । यसका लागि कर्मचारीबाहेक अन्यका लागि पार्टी केन्द्रीय कार्यालय बन्द गरेको सूचना जारीसमेत गरेको छ ।

‘अनधिकृत व्यक्तिहरूले कार्यक्रम गर्न खोजेको र त्यसको कारण उत्पन्न जोखिमलाई ध्यानमा राखी अनिश्चितकालका लागि कार्यालय बन्द गरिएको छ’, सूचनामा भनिएको छ ।

त्यसपछि असन्तुष्ट पक्षका नेता–कार्यकर्ताले हो–हल्ला र नाराबाजी गर्दै विरोध जनाएका थिए । त्यस क्रममा होहल्ला र नाराबाजी भएको थियो । झडप हुने अवस्था आएपछि प्रहरी परिचालन गरिएको छ ।

विवेकशील साझाको पाण्डे पक्षले अघि सार्‍यो विवाद समाधानका दुई उपाय