यही हो कतार विश्वकपको आधिकारिक बल
काठमाडौं । यही वर्ष कतारमा आयोजना हुने फिफा विश्वकप फुटबलमा खेलिने आधिकारिक बल सार्वजनिक भएको छ । आधिकारिक बल फिफाले आज सार्वजनिक गरेको हो ।
‘अल रिहला’ नाम दिइएको उक्त बल एडिडास कम्पनीले बनाएको हो । अरबिक भाषाको अल रिहलाको अर्थ ‘दी जर्नी’ अर्थात यात्रा भन्ने हुने फिफाले जनाएको छ ।
कतारको वास्तुकला, डुङ्गा र राष्ट्रिय झण्डाबाट प्रेरणा लिएर बलको डिजाइन गरिएको जनाइएको छ ।
२२औं संस्करणको विश्वकप फुटबल कतारले आगामी नोभेम्बर २१ देखि डिसेम्बर १८ सम्म आयोजना हुँदैछ ।
प्रतिक्रिया